Boa
Ukur catur anu kaukur sanajan mindeng mawur
Rékaan basa nu kabaca, sanajan mindeng aya sora anu rohaka
Nyoréang mangsa ka tukang
Geugeut gula jeung peueutna
Taya angen-angen anu disidem
Ceurik seuri midangdam lain gundam
Jiga nu ngagugat jeung nyuat-nyuat
Jiga anu cangcaya kana basa nu ngalisan
Boa,
Pedah reuntas cecekelan pikir nyeri katimbris ku polahna
Antukna ngalahir rasa nu béda
Nyaluuh kana lahunan mawa tunggara raga
Sora ti Puseur Kahéman
Rin Riani, Ambu Nazwa, Ani Hérliani Bachtiar, Juju Arienasa, Néna Cunara, Nyi Tigar, Nyta Rosdiana, Téty S Nataprawira, Ummi Annadzriel, Yayat Maryati,
Antologi Puisi